Taekwondo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O taekwondo u millor taegwondo,^[1] pronunciato en aragonés como Taicuondo, ye un arte marcial d'orichen coreano, pro pareixito a lo karate chaponés. Pende de l'uso d'as mans y piez t'atacar u contrarrestar a un enemigo. O taekwondo ye un esporte nacional en Corea d'o Sud, kyeorugi ye un escayeiximiento esportivo en os Chuegos Olimpicos. En l'alfabeto coreano hangeul, tae (跆) significa trucar con o piet; gwon (拳) trucar con a man; e do (道) significa camín u via. Taekwondo se traduz a sobén por "camín d'o piet y d'o punyo".

O taekwondo tien una gran tradición adintro d'as artes marcials corianas (alto u baixo 2000 anyos), manimenos a suya forma actual tien només que uns 50 anyos. Huei en día s'ha convertito en un esporte mui estendillato. En os Chuegos Olimpicos de Seúl 1988 y de Barcelona 1992 se convertió en un esporte olimpico de exhibición y actualment s'ha convertito esporte olimpico de competición.

Un d'os exercicios mas importants ye a realización de pumses (katas en terminolochía de karate). Os pumses son secuencias de movimientos de esfensa y ataque que simulan una batalla con bels enemigos, y son relacionatos dreitament con os diferents graus de cinturons. Se fan con l'obchecto d'incrementar o equilibrio, a elasticidat, a velocidat y o dominio d'os diferents movimientos.

1. ↑ Seguntes a trascripción oficial d'o coreano en alfabet latín estableixita en Corea d'o Sud.